sim-sim
No Result
Bütün nəticələr
  • Proza
  • Poeziya
  • Kino & Teatr
  • Yaradıcılıq fakultəsi
  • Mənim sevimli hekayəm*
  • Kamal Abdulla – 70
sim-sim

“Anamın kitabı” dram əsərinin motivləri əsasında serial çəkilir

03/09/2020 - 11:52
A A
Facebookda paylaş

Görkəmli yazıçı, publisist, mütəfəkkir və ictimai xadim Cəlil Məmmədquluzadənin eyniadlı dram əsərinin motivləri əsasında “Anamın kitabı” adlı 12 seriyalı filmin çəkilişlərinə başlanılıb.

Layihə İctimai Televiziyanın dəstəyi ilə həyata keçirilir.

Bu barədə məlumat verən rejissor Xəyyam Abdullazadə bildirib ki, İctimai Televiziya ilə birgə bir neçə layihə həyata keçirilib: “Onlardan biri də böyük dramaturq Cəfər Cabbarlının 120 illiyi ilə bağlı reallaşdırılan “Solğun çiçəklər” filmi idi. Film Mədəniyyət Nazirliyi və İTV-nin dəstəyi ilə 8 seriyadan ibarət layihə kimi təqdim olundu. Bu il isə “Anamın kitabı” əsərinin ekranlaşdırılması ideyası yarandı və İTV-nin rəhbərliyi bu ideyanı dəstəklədi”.

 

 

Faciə-dram janrında olan filmin çəkilişləri avqust ayının 1-də başlanıb və sentyabrın sonunadək davam edəcək. Çəkilişlər Astara və Lənkəran rayonlarında aparılır.

Ekran əsərinin ssenari müəllifləri Xəyyam Abdullazadə, Naiq Babayev, Nurlan Həsənli, Zaur Rzayev, quruluşçu rejissorları Xəyyam Abdullazadə və Elməddin Alıyev, quruluşçu operatoru Elman Əliyev, bəstəkarı Araz Hümbətov, səs rejissoru Orxan Ağalarov, montajçı Elçin Elxanlı, qrim üzrə rəssam Adilə Fərruxovadır.

Rollarda Əməkdar artistlər Almaz Amanova, Loğman Kərimov, aktyorlar Murad Məmmədov, Asiman Ağa Rövşən, Ziya Ağa, Esmiralda Abdullayeva, İoanna Frenşdant, Sabirə Abdullayeva, Anar Mikayılov, Elxan Quliyev, Namis Şirməmmədov, Qızılgül Quliyeva, Zemfira Nəcəfova, Səyyad Əli və Emin Nəsirli çəkilir.

Ekran əsərinin baş prodüseri Balakişi Qasımov, prodüserləri Yalçın Verdiyev və Elməddin Alıyevdir. Film payızın sonlarında tamaşaçılara təqdim olunacağı gözlənilir.

http://edebiyyatqazeti.az/news/gundem/6135-anamin-kitabi-dram-eserinin-motivleri-esasinda-serial-cekilir

sim-sim

Sim-sim.az gündəlik köşə, araşdırma, esse, poeziya və nəsr nümunələri, eləcə də kino, teatr, musiqi, rəssamlıq, memarlıq və incəsənətin digər sahələrinə aid geniş spektrdə maraqlı materiallar təqdim edir.
Portalda ölkəmizdə və xaricdə çap olunmuş kitablar haqqında resenziyalar, tanınmış incəsənət xadimləriylə müsahibələr, müzakirələr və debatlar, dünya mədəni irsiylə bağlı tərcümə materialları dərc olunur.


Təsisçi: Kamal Abdulla
Baş redaktor: Qismət Rüstəmov
Şef redaktor: Ömər Xəyyam
Redaktor: Cavid Zeynallı

© sim-sim.az

No Result
Bütün nəticələr
  • Proza
  • Poeziya
  • Kino & Teatr
  • Yaradıcılıq fakultəsi
  • Mənim sevimli hekayəm*
  • Kamal Abdulla – 70

© sim-sim.az