Bakı Beynəlxalq Multikulturalizm Mərkəzində Malayziya Milli İnformasiya
Agentliyinin beynəlxalq əlaqələr şöbəsinin redaktoru R. Ravixandran ilə
görüş keçirilib
Oktyabrın 22-də Bakı Beynəlxalq Multikulturalizm Mərkəzinin icraçı
directoru Rəvan Həsənov Malayziya Milli İnformasiya Agentliyinin
beynəlxalq əlaqələr şöbəsinin redaktoru R. Ravixandran ilə görüşüb.
Görüşdə Rəvan Həsənov Azərbaycan Prezidentinin Fərmanı ilə yaradılan
BBMM-in fəaliyyətindən söz açaraq ötən 5 il müddət ərzində qurumun
ölkəmizdə yaşayan etnik və dini icmalar arasında əlaqələrin yaradılıb
möhkəmləndirilməsi, Azərbaycan multikulturalizminin öyrənilməsi və təbliği
istiqamətində çoxsaylı regional və beynəlxalq tədbirlər barədə məlumat
verib. Bildirlib ki, BBMM-in həyata keçirdiyi layihələr sırasında beynəlxalq
multikulturalizm yay və qış məktəblərinin təşkili, “Azərbaycanın Gənc
Dostları” Beynəlxalq Klubunun təsis olunması, ölkənin 38, dünyanın 21
nüfuzlu universitetində “Azərbaycan multikulturalizmi” fənninin tədrisi,
multikulturalizmlə bağlı kitabların hazırlanması və nəşri xüsusi qeyd
edilməlidir.
Malayziya Milli İnformasiya Agentliyinin beynəlxalq əlaqələr şöbəsinin
redaktoru R. Ravixandran öz növbəsində multilulturalizm və tolerantlıq
ənənələri deyiləndə insanları fərqləndirən nüansların deyil, onları
yaxınlaşdıran, birləşdirən amillərin vacib olduğunu və dünyada
ekstremizmin, zorakılığın yayıldığı bir zamanda multikulturalizmin
Azərbaycanda həyat tərzi kimi qəbul edilməsinin təqdirəlayiq olduğunu
vurğulayıb və Mərkəzin fəaliyyəti barədə geniş müsahibə hazırlamaq
istəyini dilə gətirib, Azərbaycanda olan multikultural durumun başqa
ölkələrdə də yayılmasının vacibliyini önə çəkib.
Sonda qonağa Bakı Beynəlxalq Multikulturalizm Mərkəzinin hədiyyələri
təqdim olunub.
