Beynəlxalq Muğam Mərkəzində Cadenza orkestrinin Xocalı soyqırımının 30-cu il dönümünə həsr olunmuş tədbir keçirilib. “Koordinat 39°54’47” şm.e. 46°47’25” ş.u.; qar üzərindəki ayaq izləri ilə” adlı ədəbi-musiqili gecədə Aqşin Əlizadənin “Muğam”, Qara Qarayevin 14 və 24 nömrəli prelüdləri, Ayaz Qəmbərlinin “Hüzn”, Tahir İbişovun “Epitafiya”, Rəhilə Həsənovanın “Ulduzların laylası” və Üzeyir Hacıbəylinin “Cəngi” əsəri ifa olunub. Həmçinin video görüntülərin fonunda Ramiz Rövşən, Qasım Qasımzadənin şerləri, faciənin şahidi olmuş gəncin düşüncələri qiraətçi Cavid Babanın təqdimatında səsləndirilib.
