Oktyabrın 4-də Milli Kitab Satış Sərgisində şair, esseist Qismətin moderatorluğunda “Çağdaş dünyada kültür industriyası: ədəbi festivallar, mükafatlar, təqaüdlər” adlı panel keçiriləcək.
Panelin çıxışçıları Azərbaycan Dillər Universitetinin dissertantı, Ceyms Coys yaradıcılığı üzrə tədqiqatçı Ülkər Əskərova İrlandiya ədəbi mühitindən, hər il Ceyms Coysun şərəfinə keçirilən dünyaca məşhur “Blum günləri”ndən danışacaq.
Oslo Universitenin məzunu, Azərbaycan Dillər Universitetinin müəllimi Anar Rəhimov Norveç ədəbi mühitindən, oradakı təqaüdlərdən, yazıçı-naşir münasibətlərindən bəhs edəcək.
Türkiyənin İstanbul Universitetinin doktorantı, şair Ramil Əhməd qardaş ölkədəki kitab industriyasından, oranın ədəbi mühitindən söhbət açacaq.
Xatırladaq ki, panel 14:00-15:00 saatları arasında baş tutacaq.