Görkəmli elm xadimi, professor Qorxmaz Quliyev 80 illik yubileyini qeyd edir.
Sim-sim.az bu münasibətlə Azərbaycan Dillər Universitetinin rektoru, akademik Kamal Abdullanın təbrikini təqdim edir.
Hörmətli Qorxmaz müəllim!
Sizi 80 illik yubileyiniz münasibəti ilə öz adımdan və doğma Azərbaycan Dillər Universitetinin kollektivi adından ürəkdən təbrik edirəm.
Siz Azərbaycan elminin çox görkəmli nümayəndələrindən birisiniz. Sizin ədəbiyyat, mədəniyyətşünaslıq, fəlsəfə ilə bağlı tədqiqata cəlb etdiyiniz məqamlar bu elm sahələri üçün son dərəcə qiymətlidir. Ən önəmlisi odur ki, zəngin bilik potensialınızı daim tələbələrlə, gənc alimlərlə bölüşür və onların formalaşmasında xüsusi rol oynayırsınız. Bunun üçün Sizə minnətdar olanların sayı da gündən günə artır.
Azərbaycan Dillər Universitetinin həm gənc, həm orta yaşlı alimləri Sizin zəngin elmi potensialınızdan həmişə istifadə ediblər. İnanıram ki, bundan sonra da səmərəli istifadə edəcəklər. Sizə uzun ömür, cansağlığı, elm yolunda fədakar xidmətinizi bundan sonra da davam etdirməyinizi arzu edirəm.
Yubiley yaşınız mübarək!
Dostunuz Kamal Abdulla