Yazıçı Şərif Ağayarın hekayələr kitabı işıq üzü görüb.
Sim-sim.az xəbər verir ki, “Qanun” Nəşrlər Evində çap olunan kitab “Arıların səssizliyi” adlanır.
Kitabda “Şəkil”, “Cəfər əmimin yolları”, “Arıların səssizliyi” kimi tanış hekayələrlə yanaşı yeni nümunələr də yer alıb. Bundan əlavə, yazıçının ilk qələm təcrübələrindən olan “Kərpickəsən kişinin dastanı” və “Xürrəm” uzun hekayələri də yeni redaktədə təqdim olunub.
Kitabı “Əli və Nino” mağazalar şəbəkəsindən və “Qanun” Nəşrlər Evinin kitab mağazasından əldə edə bilərsiniz. Telefonla və onlayn sifariş də mümkündür.
