16 oktyabr 2022-ci ildə Azərbaycan Yaradıcılıq Fondunda böyük rus şairi Sergey Yeseninin xatirə gecəsi keçirilib.
Gecəni giriş sözü ilə Azərbaycan Yaradıcılıq Fondunun birinci müavini, əməkdar mədəniyyət işçisi, sənətşünaslıq üzrə fəlsəfə doktoru Rafiq Kaşanlı açmış, Sergey Yeseninin həyat və yaradıcılığından məlumat vermişdir.
Xatirə gecəsinə gələn tədbir iştirakçıları, Rafiq Kaşanlı, Günay teatrının direktoru Larisa Tarusova, şairə Alina Talıbova, musiqişünas Qasım Xəlilov, aktyor əməkdar artist Nazir Rüstəmov və başqaları Sergey Yeseninin şeirlərini və şeirlərinə bəstələnmiş musiqiləri səsləndirmişdilər.
Sonda dahi müğənni və bəstəkar Müslüm Maqomayevin, Yeseninin sözlərinə bəstələdiyi “Əlvida, Bakı” musiqisi səsləndirilmiş, xatirə şəkili çəkdirilmişdir.
