Bu gün İtaliyanın Lido adasında 78-ci Venesiya Beynəlxalq Film Festivalı başlayır.

Kulis.az rus mətbuatına istinadən xəbər verir ki, festivalın açılışı Pedro Almodovarın “Paralel analar” filmi ilə olacaq. Filmdəki əsas rollara Penelope Kruz, Rossi de Palma və Aytana Sançez Xixon çəkiliblər.

Venesiya Film Festivalının əsas yarışmasında Ani Lili Amirpurun “Mona Liza və Qanlı ay”, Ceyn Kempionun “İtin gücü”, Qaston Düperin “Əsas müsabiqə”, Meqqi Cillenxolun “Sonuncu gecə” və başqa filmlər nümayiş olunacaq.

Festivalın münsiflər heyətinə rejissor Pon Çjun Xo rəhbərlik edir.

Qaliblərin adı sentyabrın 11-də açıqlanacaq.