18 aprel 2022-ci ildə Azırbaycan Yaradıcılıq Fondunda tanınmış kino-rejissor, xalq artisti Oktay Mirqasımovla görüş keçirilib.
Görüşü giriş sözüylə AYF-nin Sədrinin birinci müavini Rafiq Kaşanlı açmış, Oktay Mirqasımovun həyat və yaradıcılığı barədə qısa məlumat vermişdir.
Sonra Oktay Mirqasımov kino fəaliyyətindən, xatirələrindən, yeni planlarından söhbət açmışdır.
Əməkdar incəsənət xadimi Oktay Babazadə, Nizmi Parkı-nın direktoru Alfred Quliyev, Dramaturq Marat Haqverdiyev və başqaları çıxışlarında Oktay müəllimlə bağlı xoş xatirələrini bölüşmüşlər. Sonra Oktay müəllim tədbir iştirakçılarının suallarına cavab vermişdir.
Sonda Oktay Mirqasımov Azərbaycan Yaradıcılıq Fondunun rəhbərliyinə ona göstərilən diqqətə görə dərin minnətdarlığını bildirmişdir.
