Ulu Öndər Heydər Əliyevin 100 illiyinə
Yaşar Həsənli (Yaşar Abbasəli oğlu Həsənov) 1971-ci ildə doğulub. BDU-nu fərqlənmə diplomu ilə bitirib I Qarabağ savaşının iştirakçısıdır. Seir yazmağa tələbəlik illərindən başlayan sairin şeirləri müxtəlif illərdə bir çox mətbu orqanlarında, o cümlədən “Azərbaycan kimyaçısı” (Sumqayıt), “Şərq qapısı” (Naxçıvan), “Naftalan (Naftalan), millətin səsi” (Moskva) və s. kimi qəzetlərdə “Gənclik nəğmələri” (Naxçıvan), “Göyərçin əllər” almanaxlarında dərc olunub. Yaşar Həsənli “O zirvədə gözüm galdi”, “Adımı şeirə yazdım” şeirlər kitablarnın müəllifidir. Yalnız birharfli sözlərdən istifadə etməklə yazdığı bir çox seirlər ədəbiyyatda yeni bir cığır olmaqla oxucuların böyük marağına səbəb olmuşdur. Ən əsası isə belə şeirlər dilimizin zənginliyinin, nə qədər geniş imkanlı olmasının göstəricisidir. Bu gün oxuculara şairin yalnız “D” hərfi ilə başlayan sözlərlə yazılmış 3 şeirini təqdim edirik.
Dahilər
Daxili didişmələri dayandıran, dünya dövlətlərinin dövlətimizə dair düşüncəsini, diqqətini dəyişdirən DAHİYƏ
Dayanmadan dərdlilərə dərman deyib doydurar,
Dədəmizin dastanını düşmənlərə duydurar.
Dövlətçilik dara düşsə dağıdanı durdurar
DAHİLƏR!
Dirçəldəndə dağıdılmış dağ-dərəni, düzləri,
Dözəcəkdir doğulandan dincəlməyən dizləri.
Dinsizlərə dəyişməzlər doğruları, düzləri
DAHİLƏR!
Dedikləri doğrudan da diqqətlərə dəyirmiş,
Dahi deyən dərindədir, düşündüyün deyilmiş…
Dövranının dərdlərini dəqiqliklə deyirmiş
DAHİLƏR!
Dəyərsizlər dayanmadan danışanda, dinəndə
Dahi dözüb dəyişdirər düşüncəsin, dinin də.
Dərs deyərək döyüşçülər düzəldərlər dönəndən
DAHİLƏR!
Danılmazdır dahilərin dəyanətlə dözdüyü,
Deyimləri düşüncələr dünyasına düzdüyü,
Dilim-dilim doğransa da danmaz düzü, düzlüyü
DAHİLƏR!
Dəfələrlə dəhşətlərə dözə-dözə daşlandı,
Düzəltdiyi danılmazdır, dağılmazdır, daşdandır.
Danışmıram dəyərindən… dəfinədir, dastandır
DAHİLƏR!
Düşündüyün dildə deyər, daxilində döyüşməz,
Dilbilməyən daşürəkli düşmənlərlə deyişməz.
Dünyaları dəyişmədən dünyasını dəyişməz
DAHİLƏR!
Damarında, diləyində dövlətidir, dilidir,
Dayaq durub daşa dönmüş dəyərləri dirildir.
Dünyasını dəyişsə də daimidir, diridir
DAHİLƏR!
Düşmənlərlə danışmayın
Danışıqlar dirənibdir dalana,
Düşmənimiz dediyindən dönməyir.
Dünyamızın dəyərləri dolama…
Demokratik dövlətləri dinməyir.
Düşmən dinib diləkləri düzərmiş,
Döyüşmələr dayananda, donanda.
Dostla düşmən dəyişik də düşərmiş,
Dastan deyən dədələri dananda.
Dövran dönüb dəyərləri döyəndə
Dost dediyin dəyişərmiş, dönərmiş.
Dastanlarda dost “Düşmənəm!” deyəndə
Dədə durar, dəliləri dinərmiş.
Dünyasını dəyişsə də döyüşmə
Dönüklərlə danışmazdı dəlilər.
Düşməninlə dinc danışıb deyişmə!
Dəyişəcək daha doğru dəlillər.
Dağlar durub düşmənimin dalında,
Dayanmadan diri-diri dillənir.
Dərdlərindən danışaraq dolanda
Dövlətlərdən dilənçitək dilənir.
Daxilimiz düşmənlərlə doludur,
Döyüşlərdə döyüşmədən döyüldük.
Didişmələr düşmənçilik donudur,
Dədələrə dönüklərdən deyildik!
…Dediyimi dinləyənlər duymasa
Demək daha dəyişibdir dəyərlər.
Düşmənlərin dediyindən doymasa
Dahilər də “Düşünməyin!” deyərlər.
06.10.2019
Dərs deyən dilənçi
(Bu şeirdə yazılanlar real həyatdan götürülüb. SSRİ dağılandan sonra qonşu ölkələrin birində, sakit bir küçədə qocaman bir müəllimə dilənirdi. Ona yardım edənlərə taleyini, dərdlərini həvəslə danışırdı)
Dar, düyməsiz, deşik-deşik donunda
Dalanlarda dilənirdi dilənçi.
Dincələndə, darıxanda, donanda
Divarlara dirənirdi dilənçi.
Dünən daha dözəmmədim, danladım.
Dərdlərini danışaraq deyindi:
“Dərs deyirdim dolanırdım… Danmadım!
Dövlət dadlı duyğulardan deyirdi…
Dövran döndü, dəyişmələr dalğası,
Dərs deyənlə düşmənlərtək davrandı.
Dilbilməzlər dahilərin darğası…
Doğruların döyüldüyü dövrandı
Dinləməyən dəcəllərim dəyişib,
Dövlətiylə dünyaları dolanır.
Dərs dinləyən dərdləriylə döyüşüb
Daxilində dilim-dilim doğranır
Dövlət dursa dinsizlərin dalında
Dilənəndə dərs deyənə dəyməsin.
Dərs deyəni dilənirsə dalanda
Dövlət daha dövlətindən deməsin.
Dövlətliyə dayı deyər dəlilər,
Dilənçiylə dostluğunu dost danar!”
…Döndərmişdi danışdığı dəlillər
Dilənçinin dərdlərini dastana
Dərs deyənlər dövlətini duyandı,
Dayaq durar dediyinin damlası.
Dinlədikcə dahiliyə dayandı
Düşündüyüm dilənçilik damğası.
2002-ci il
